Keling, Tanishaylik! — bu IT Community tomonidan tashkil etilgan haftalik netvorking loyihasi bo‘lib, u volontyorlarning kichik guruhlar orqali bir-biri bilan tanishishiga yordam beradi.

Qanday ishlaydi:

Jarayon bot va IT Community volontyorlari guruhi orqali boshqariladi.

Foydalanuvchi avvalo botni faollashtiradi (agar u yangi bo‘lsa).

So‘ngra foydalanuvchi guruhda ovoz berib, uchrashuvlarda ishtirok etishini tasdiqlaydi.

Ovoz berishdan keyin ishtirokchilar guruhlar tuzilishini kutishadi.

Guruhlar IT Community rahbari Shavkat Karimov tomonidan, odatda 100+ ta ovoz yig‘ilgach, shakllantiriladi.

Guruh hajmi 2–6 kishidan iborat bo‘ladi.

Har bir guruhdagi birinchi ishtirokchi uchrashuvni (onlayn yoki oflayn) tashkil qilish uchun mas’ul bo‘ladi.

Asosiy maqsad:

Oddiy va samarali netvorking.

IT Community ichida volontyorlarning yangi odamlar bilan tanishishi va aloqalar o‘rnatishiga yordam berish.

Ushbu loyiha kimlar uchun:

Faqat IT Community volontyorlari uchun.